Tuesday, 9 October 2012

Siapo agak ehh muko baghu join suku kito musim dopan?

salam waghih..
Lamo den tak hapdet blog ni critor pasal Team kesayangan den, Nismilan F.C.
Asyik citor psal Liverpool yoorrr..
Okie, ckup dah mukhadimah ehh..
Skrang ni hari-hari den baco kek paper/fb psal rumours player yg akan berhijrah
paling latest, den dongar maso lunch td member opis den budak Red Warrior bising cakap Mat Yo, Fathul Bari dgn sapa ntah lg sorang join Johor.
Pedulikkanlah.. bukan kono mengono dongan team den pun..
Cumo yg member den bisingkan tadi, Johor offer diowang tu gaji kaw-kaw.
Nampak ehh persatuan bola Johor mmg serius nak ubah jd kuasa bola baru tahun dopan..
Bayangkanlah, Batistuta (top player argentina dolu-dolu) jadi penasihat teknikal ehhh..
coach plak, Fandi Ahmad < Legendary Singapore' tuuuu..
Ok, balik Nismilan balik..
Kobar ehh, si Ejal (Farizal Marlias) dah konfim join team Perak
Humangaiii.. Keeper terbaekk kito tuu..
Cannor boleh lopehhhh?? duit lah kan? apo ulek ehh laiee..
So, Berapo plak peruntukan budget untuk team kesayangan kito musim dopan agak ehhh??
Siapo plak player-player yg akan kito rembat?
Yang ponting kek den, Kuna, Kocik, Shakir, Shukur, kasi maintain.
Khairul Azwan (Abam Polis) tu kasi offer join suku kito
Effa Owana den tak tahu nak cakap apo..
Kok jumpo striker yg laie power, takpolah kok nak lopeh ann dio..
Kok tak jumpooo??
Den masih ghaso ann Effa Owana masih antara penyerang Import paling kacip dongan team kito.. cumo dio ni pemaleh skit kowt... ;p
Apo kato wariihhh??
Farbak? xdolah hebat sangat.. lobih kurang player lokal jer.. cumo ehh fizikal dio mmg ok kok duk kek bawah tu.. cumo dio ni den nampak lombab skit..
Kalo den sarankan, kito carik import duk kek midfield.. yg boleh jd player maker mcm Bruno tu
Skrang ni nampak mcm kito ado Abam Derih yg bole jd playermaker.. tp dio dah tuo.. dah slow.. kono carik yg lagi power laiee..


Selain Khairul azwan(PDRM), den ghaso Thanaraj yg kito pinjam dr Sabah tu ok gak join suku.. pastu den suko sangat kok Coach Azraai boleh pujuk Badrul Baktiar (Kedah) join kito. Selain tu, kok dapek Muslim Ahmad & Ismail Faruqi dr team T'ganu tu pun caya gak tuuu.. lelain tu, kito bg Coach kito pilihlah.. huhuuu

No comments:

Post a Comment